Este botón ao final deume problemas. A ligazón onde comeza a reportaxe é esta. Malia estar creado o flash correctamente tal e como podemos ver no host, ao introducir o código non me funciona o url. Foi un problema de última hora e non lle topei solución. Ler máis...

A crise económica e os medios de comunicación

Non hai xornal -en papel ou dixital-, radio ou televisión que nos últimos tempos non ande a voltas co tema da crise. Recesión, despedimentos, conflitos laborais, paro...son palabras e feitos que ocupan boa parte da axenda informativa de calquera medio de comunicación. Contásenos aos cidadáns e cidadás como a crise económica está a afectar a distintos sectores produtivos e profesionais. Aí temos o exemplo da folga do metal en Vigo ou as loitas contra o ERE de Caramelo. Porén, existe un colectivo que sempre está aí pero do que non sabemos nada ou case nada. Aqueles que se esconden nas redaccións dos periódicos, nos estudos de radio e nos platós de televisión. Falo evidentemente dos xornalistas. Esta profesión presenta xa de por si un grao de precariedade laboral moi alto, pero se as xornadas maratonianas e os salarios baixos son xa tónica habitual, canto afectará a crise económica a este sector?

Os feitos demóstrannos que nos medios galegos estanse a producir despedimentos, prexubilacións masivas e renegociacións á baixa dos convenios colectivos. Por iso ten moita importancia que a cidadanía sexa consciente desta situación, xa que a precariedade laboral no xornalismo inflúe directamente na calidade da información producida, e a quen máis prexudica isto é ao conxunto da poboación. Paradoxalmente, as e os xornalistas, que lle explican ao mundo os conflitos laborais alleos, non poden facer o mesmo cos propios.

A situación laboral en tempos de crise | A precariedade: inimiga da calidade | Xosé Manuel Pereiro: "o que está na nosa man é protestar"

Ler máis...

O Servizo Universitario de Residencias (SUR) acaba de facer pública esta mañá a convocatoria de prazas de aloxamento para o curso 2009/2010. A principal novidade que presenta a respecto doutros anos é a ausencia das habitacións correspondentes ao Colexio Maior Rodríguez Cadarso. A partir do vindeiro curso, o histórico edificio do campus sur ficará pechado para afrontar unhas obras que lle permitan adaptarse á normativa en materia de seguridade. Segundo declarou a directora do CM San Clamente, Sandra Fernández Prado, decidiuse acometer a remodelación a raíz dunha análise que se fixo cunha OHSAS 18001 que detectou unha serie de anomalías "como que hai unha cociña subterránea, ao carón dunha caldeira de calefacción, dunha sala de informática e dunha lavandería", e que supón un perigo para os e as residentes.


Ver C. M. Rodríguez Cadarso nun mapa máis grande

As persoas que até o momento estaban a vivir no CM Rodríguez Cadarso serán recolocadas noutra das residencias do SUR e terán máxima prioridade á hora de elixir.



Aínda que o colexio xa non abrirá no vindeiro curso, aínda non hai ningunha data oficial para o comezo das obras de remodelación, polo que non é posíbel estimar canto tempo vai pasar antes de que o Colexio Maior Rodríguez Cadarso reabra as súas portas. Ler máis...